Plantun de Prouvènço

Pèr coumpara dos planto d'encò nostre

Juncus articulatus & Abies alba

Jounc-nousa

Juncus articulatus

Juncaceae

Àutri noum : Erbo-dóu-parpaioun, Erbo-à-parpaioun, Fenoui-de-palun, Gapihoun, Parpaioun.

Noms en français : Jonc articulé, Jonc à fruits lustrés.

Descripcioun :
Lou jounc-nousa es uno planto coumuno, pas pu grando que 60 cm, que trachis dins li relarg mounte i'a d'aigo. Quouro èi jouine pòu faire de fiéu (estouloun). L'enflourejado, forço chanjadisso, caup de 3 à 20 flour. Li tepalo soun acabado pèr un benc.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 5 à 70 cm
Fueio : costo paralèlo
Tipe bioulougico : Emicriptoufite
Cicle bioulougico : Planto renadivo

Gènre : Juncus
Famiho : Juncaceae

Ordre : Poales

Coulour de la flour : Brunello
Petalo : 6
Ø (o loungour) flour : 1 à 2 mm
Flourido : Printèms - Estiéu - Autouno

Sòu : Ca
Autour basso e auto : 0 à 1800 m
Aparado : Noun
Mai à óutobre

Liò : Palun - Ribiero - Roubino - Prado umido
Estànci : Termoumediterran à Subaupen
Couroulougi : Bourealo
Ref. sc. : Juncus articulatus L., 1753

Sapin

Abies alba

Pinaceae

Àutri noum : Sap, Sapino, Abet, Sapi.

Noms en français : Sapin pectiné, Sapin blanc.

Descripcioun :
Pèr pas s'engana emé la serento fau regarda coume soun lis aguio o peréu li pigno (o vacheto). Li fueio dóu sapin soun tóuti dins lou meme plan coume un penche, au contro de li de la serento que soun estacado tout à l'entour de la ramo coume uno brosso. De nouta pamens qu'acò marcho pas pèr d'ùni sap fourestié (coume Abies pinsapo). Li pigno, quouro li poudès vèire, se tènon bèn drecho, alor qu'encò de la serento pendoulon.

Usanço :
La pegoulo (bijoun) dóu sapin èi di proun vulneràri. Ero acampado emé de boutihoun coupa en biais e tanca dins li bosso de la rusclo (O. Madon). S'emplegavo en emplastro sus lis estorso (P. Lieutaghi) o dins li tisano contro lou toussi.